Reglur um fornám í framhaldsskólum

Reglur
um fornám í framhaldsskólum nr. 328/1997

1. gr.

Fornám er ætlað nemendum sem lokið hafa grunnskóla en hafa ekki náð tilskildum námsárangri til þess að fullnægja inntökuskilyrðum á einstakar námsbrautir framhaldsskóla og geta því ekki hafið nám á þeim námsbrautum án frekari undirbúnings.

2. gr.

Fornám skal skipulagt sem eins árs/tveggja anna nám í framhaldsskóla. Markmið námsins er að:

efla þekkingu og færni nemenda í bóklegum og verklegum námsgreinum þannig að þeir geti hafið nám á námsbrautum framhaldsskóla,
veita nemendum markvissan stuðning og ráðgjöf um nám og störf.

Markmið námsins, námsskipulag og leiðbeiningar um inntöku nemenda skulu skilgreind í aðalnámskrá framhaldsskóla og útfærð nánar í skólanámskrá.

3. gr.

Menntamálaráðherra ákveður í hvaða framhaldsskólum fornám skuli fara fram. Við mat á því hvort efnt skuli til fornáms við framhaldsskóla skal taka mið af fjölda nemenda og aðstæðum hverju sinni.

4. gr.

Reglur þessar eru settar samkvæmt heimild í 18. gr. sbr. 15. gr. laga nr. 80/1996 um framhaldsskóla og öðlast þegar gildi.

Menntamálaráðuneytinu, 16. maí 1997.

Slóð að þessu skjali: http://brunnur.stjr.is/mrn/logogregl.nsf/nrar/reglur3281997

Til baka í allar tegundir