ID-Bókun 09


		BÓKUN 9 {¹} UM VIÐSKIPTI MEÐ FISK OG AÐRAR SJÁVARAFURÐIR {¹} Sjá samþykktir. 1. gr. 1. Með fyrirvara um ákvæðin í 1. viðbæti skulu EFTA-ríkin við gildistöku samningsins fella niður innflutningstolla og gjöld sem hafa samsvarandi áhrif af þeim vörum sem tilgreindar eru í töflu I í 2. viðbæti. 2. Með fyrirvara um ákvæðin í 1. viðbæti skulu EFTA-ríkin ekki beita magntakmörkunum á innflutning eða ráðstöfunum sem hafa samsvarandi áhrif varðandi þær vörur sem tilgreindar eru í töflu I í 2. viðbæti. Í þessu sambandi skulu ákvæði 13. gr. samningsins gilda. 2. gr. 1. Bandalagið skal við gildistöku samningsins fella niður innflutningstolla og gjöld sem hafa samsvarandi áhrif af þeim vörum sem tilgreindar eru í töflu II í 2. viðbæti. 2. Bandalagið skal lækka í áföngum tolla af þeim vörum sem tilgreindar eru í töflu III í 2. viðbæti, í samræmi við eftirfarandi tímaáætlun: a) 1. janúar 1993 skulu allir tollar lækkaðir í 86% af grunntolli; b) fjórar frekari lækkanir, 14% hver af grunntolli, skulu framkvæmdar 1. janúar 1994, 1. janúar 1995, 1. janúar 1996 og 1. janúar 1997. 3. Grunntollar, sem lækkun tolla í áföngum samkvæmt 2. mgr. skal miðast við, skulu varðandi hverja vöru vera þeir tollar sem bandalagið hefur bundið innan Hins almenna samkomulags um tolla og viðskipti (GATT) eða, í þeim tilvikum þar sem tollurinn er ekki bundinn, ytri tollur bandalagsins hinn 1. janúar 1992. Ef marghliða viðskiptaviðræðurnar, sem kenndar hafa verið við Úrúgvæ, leiða til tollalækkana eftir 1. janúar 1992 skulu tollar, sem þannig hafa verið lækkaðir, teljast grunntollar. Þar sem lægri tollar gilda fyrir tilteknar vörur á grundvelli tvíhliða samninga milli bandalagsins og einstakra EFTA-ríkja skulu þeir tollar taldir grunntollar varðandi hvert og eitt hlutaðeigandi EFTA-ríki. 4. Þegar tollprósentur eru ákvarðaðar samkvæmt 2. og 3. mgr. skulu þær reiknaðar þannig að fyrsti aukastafur teljist með en öðrum aukastaf sé sleppt. 5. Bandalagið skal ekki beita magntakmörkunum á innflutning eða ráðstöfunum sem hafa samsvarandi áhrif varðandi þær vörur sem tilgreindar eru í 2. viðbæti. Í þessu sambandi skulu ákvæði 13. gr. samningsins gilda. 3. gr. Ákvæði 1. og 2. gr. skulu gilda um vörur sem eru upprunnar hjá samningsaðilum. Upprunareglur er að finna í bókun 4 við samninginn. 4. gr. 1. Aðstoð sem veitt er af ríkisfjármunum til sjávarútvegs og raskar samkeppni, skal afnumin. 2. Löggjöf varðandi markaðsskipulag sjávarútvegs skal breytt þannig að hún raski ekki samkeppni. 3. Samningsaðilar skulu leitast við að tryggja samkeppnisskilyrði sem geri hinum samningsaðilunum kleift að beita ekki ráðstöfunum gegn undirboðum og jöfnunartollum. 5. gr. Samningsaðilar skulu gera nauðsynlegar ráðstafanir til að tryggja að öll fiskiskip, sem sigla undir fána annarra samningsaðila, hafi jafnan aðgang og þeirra eigin fiskiskip að höfnum og markaðsmannvirkjum vegna frumvinnslu ásamt öllum tækjum og aðstöðu sem þeim tengjast. Þrátt fyrir ákvæði undanfarandi málsgreinar má samningsaðili hafna löndun á fiski úr fiskistofnum sem báðir aðilar hafa hagsmuni af að nýta og sem alvarlegur ágreiningur er um stjórnun á. 6. gr. Hafi nauðsynlegar lagabreytingum ekki verið komið í framkvæmd þegar samningurinn tekur gildi, þannig að samn-ingsaðilar telji viðunandi, má leggja ágreiningsatriði fyrir sameiginlegu EES-nefndina. Takist ekki að ná samkomulagi skulu ákvæði 114. gr. samningsins gilda að breyttu breytanda. 7. gr. Ákvæði samninganna sem taldir eru upp í 3. viðbæti skulu hafa forgangsgildi gagnvart ákvæðum þessarar bókunar að því leyti sem viðkomandi EFTA-ríkjum eru þar veitt betri viðskiptakjör en gert er í þessari bókun. 1. VIÐBÆTIR 1. gr. Að því er varðar afurðir, sem eru taldar hér á eftir, getur Finnland viðhaldið núgildandi reglum sínum tímabundið. Finnland skal leggja fram ákveðna tímatöflu um afnám þessara undanþága eigi síðar en 31. desember 1992. ST-númer Vörulýsing úr 0302 Fiskur, nýr eða kældur, þó ekki fiskflök og annað fiskkjöt í nr. 0304: – Lax – Eystrasaltssíld úr 0303 Fiskur, frystur, þó ekki fiskflök og annað fiskkjöt í nr. 0304: – Lax – Eystrasaltssíld úr 0304 Fiskflök og annað fiskkjöt (einnig hakkað), nýtt, kælt eða fryst: – Ný eða kæld laxaflök – Ný eða kæld Eystrasaltssíldarflök (Orðið „flök“ skal einnig eiga við flök sem eru föst saman, t.d. á bakinu eða á kviðnum.) 2. gr. 1. Liechtenstein [...]¹⁾ má halda innflutningstollum á eftirfarandi afurðum: ST-númer Vörulýsing úr 0301 til 0305 Fiskar, þó ekki fryst flök í 0304, aðrir en sjávarfiskur, áll og lax Þetta fyrirkomulag skal tekið til endurskoðunar fyrir 1. janúar 1993. ¹⁾ Bókun um breytingu á EES-samningnum, 17. mars 1993. 2. Með fyrirvara um tollbreytingar sem kunna að leiða af marghliða viðskiptaviðræðunum í Úrúgvælotunni [má Liechtenstein]²⁾ halda breytilegum gjöldum innan ramma landbúnaðarstefnu sinnar varðandi eftirfarandi sjávarafurðir. ST-númer Vörulýsing úr 15. kafla Feiti og olíur til manneldis úr 23. kafla Fóður til dýrældis ²⁾ Bókun um breytingu á EES-samningnum, 17. mars 1993. 3. gr. 1. Að því er varðar afurðir, sem eru taldar hér á eftir, má Svíþjóð beita magntakmörkunum á innflutning fram til 31. desember 1993, svo fremi sem það þykir nauðsynlegt til að forðast alvarlega röskun á sænska markaðinum. ST-númer Vörulýsing úr 0302 Fiskur, nýr eða kældur, þó ekki fiskflök og annað fiskkjöt í nr. 0304: – Síld – Þorskur 2. Á meðan Finnland heldur tímabundið núgildandi reglum um Eystrasaltssíldina má Svíþjóð beita magntakmörkunum á innflutning á þeirri afurð þegar hún er upprunnin í Finnlandi. 2. VIÐBÆTIR Tafla I ST-númer Vörulýsing 0208 Annað kjöt og ætir hlutar af dýrum, nýtt, kælt eða fryst: úr 0208 90 – Annað: ––Af hval 3. kafli Fiskur og krabbadýr, lindýr og aðrir vatna- og sjávarhryggleysingjar 1504 Feiti og olíur og þættir þeirra, úr fiski eða sjávarspendýrum, einnig hreinsað en ekki efnafræðilega umbreytt 1516 Feiti eða olíur úr dýra- eða jurtaríkinu og þættir þeirra, hert að fullu eða hluta, víxlesterað, enduresterað eða elaídínerað, einnig hreinsað en ekki efnafræðilega umbreytt: úr 1516 10 – Dýrafeiti og -olíur og þættir þeirra: – – Fengið eingöngu úr fiski eða sjávarspendýrum 1603 Kjarnar og safar úr kjöti, fiski eða krabbadýrum, lindýrum eða öðrum vatnahryggleysingjum: úr 1603 00 – Kjarnar og safar úr hvalkjöti, fiski eða krabbadýrum, lindýrum eða öðrum vatnahryggleysingjum 1604 Fiskur, lagaður eða varinn skemmdum; styrjuhrogn og eftirlíkingar þeirra lagaðar úr hrognum 1605 Krabbadýr, lindýr og aðrir vatnahryggleysingjar, lagað eða varið skemmdum 2301 Mjöl, fín- eða grófmalað, og kögglar, úr kjöti, hlutum úr dýrum, fiski eða krabbadýrum, lindýrum eða öðrum vatnahryggleysingjum, óhæft til mann-eldis; hamsar: úr 2301 10 – Mjöl, fín- eða grófmalað, og kögglar, úr kjöti eða hlutum úr dýrum; hamsar: – – Hvalmjöl 2301 20 – Mjöl, fín- eða grófmalað, og kögglar, úr fiski eða krabbadýrum, lindýrum eða öðrum vatnahryggleysingjum 2309 Framleiðsla til dýrældis: úr 2309 90 – Önnur: ––Fiskmelta Tafla II SAT-númer Vörulýsing 0302 50 0302 69 35 0303 60 0303 79 41 0304 10 31 Þorskur (Gadus morhua, Gadus ogac, Gadus macrocephalus) og ískóð (Boreogadus saida), ný, kæld eða fryst, þar með talin flök, ný eða kæld 0302 62 00 0303 72 00 Ýsa (Melanogrammus æglefinus), ný, kæld eða fryst, þar með talin flök, ný eða kæld úr 0304 10 39 0302 63 00 0303 73 00 Ufsi (Pollachius virens), nýr, kældur eða frystur, þar með talin flök, ný eða kæld úr 0304 10 39 0302 21 10 0302 21 30 0303 31 10 0303 31 30 Grálúða (Reinhardtius hippoglossoides) og lúða (Hippoglossus hippoglossus), ný, kæld eða fryst, þar með talin flök, ný eða kæld úr 0304 10 39 0305 62 00 0305 69 10 Þorskur (Gadus morhua, Gadus ogac, Gadus macrocephalus) og ískóð (Boreogadus saida), söltuð en ekki þurrkuð eða reykt, svo og í saltlegi 0305 51 10 0305 59 11 Þorskur (Gadus morhua, Gadus ogac, Gadus macrocephalus) og ískóð (Boreogadus saida), þurrkuð, ekki söltuð 0305 30 11 0305 30 19 Þorskflök (Gadus morhua, Gadus ogac, Gadus macrocephalus) og flök af ískóði (Boreogadus saida), þurrkuð, söltuð eða í saltlegi en ekki reykt 0305 30 90 Önnur fiskflök, þurrkuð, söltuð eða í saltlegi en ekki reykt 1604 19 91 Önnur flök, hrá, aðeins þakin deigi eða brauðmylsnu, einnig forsteikt í olíu, djúpfryst 1604 30 90 Eftirlíkingar styrjuhrogna Tafla III Að því er varðar alla neðantalda vöruliði taka tollalækkanir bandalagsins ekki til afurða sem eru taldar í töflu II eða í fylgiskjali með töflu III. SAT-númer Vörulýsing 0301 Lifandi fiskur 0302 Fiskur, nýr eða kældur, þó ekki fiskflök og annað fiskkjöt í nr. 0304 0303 Fiskur, frystur, þó ekki fiskflök og annað fiskkjöt í nr. 0304 0304 Fiskflök og annað fiskkjöt (einnig hakkað), nýtt, kælt eða fryst 0305 Fiskur, þurrkaður, saltaður eða í saltlegi; reyktur fiskur, einnig soðinn á undan eða jafnhliða reykingu; fiskimjöl, fín- eða grófmalað, og kögglar, hæft til manneldis 0306 Krabbadýr, einnig í skel, lifandi, ný, kæld, fryst, þurrkuð, söltuð eða í saltlegi: krabbadýr, í skel, soðin í gufu eða vatni, einnig kæld, fryst, þurrkuð, söltuð eða í saltlegi; mjöl, fín- eða grófmalað, og kögglar úr krabbadýrum, hæft til manneldis 0307 Lindýr, einnig í skel, lifandi, fersk, kæld, fryst, þurrkuð, söltuð eða í saltlegi; vatna- og sjávarhryggleysingjar, þó ekki krabbadýr og lindýr, lifandi, fersk, kæld, fryst, þurrkuð, söltuð eða í saltlegi; mjöl, fín- eða grófmalað, og kögglar úr vatnahryggleysingjum, þó ekki krabbadýrum, hæft til manneldis 1604 Fiskur, lagaður eða varinn skemmdum; styrjuhrogn og eftirlíkingar þeirra lagaðar úr hrognum 1605 Krabbadýr, lindýr og aðrir vatnahryggleysingjar, lagað eða varið skemmdum Fylgiskjal með töflu III SAT-númer Vörulýsing a) Lax: Kyrrahafslax (Oncorhynchus spp.), Atlantshafslax (Salmo salar) og Dónárlax (Hucho hucho): 0301 99 11 lifandi 0302 12 00 nýr eða kældur 0303 10 00 Kyrrahafslax, frystur 0303 22 00 Atlantshafslax og Dónárlax, frystur 0304 10 13 flök, ný eða kæld 0304 20 13 flök, fryst úr 0304 90 97 annað laxkjöt, fryst 0305 30 30 flök, söltuð eða í saltlegi en ekki reykt 0305 41 00 reyktur, þar með talin flök 0305 69 50 saltaður eða í saltlegi en ekki þurrkaður eða reyktur 1604 11 00 heill eða í hlutum, lagaður eða varinn skemmdur 1604 20 10 annar, lagaður eða varinn skemmdum b) Síld: (Clupea harengus, Clupea pallasii) 0302 40 90 ný eða kæld, frá 16. júní til 14. febrúar úr 0302 70 00 lifur og hrogn, ný eða kæld 0303 50 90 fryst, frá 16. júní til 14. febrúar úr 0303 80 00 lifur og hrogn, fryst úr 0304 10 39 flök, ný eða kæld 0304 10 93 samhangandi flök, ný, frá 16. júní til 14. febrúar úr 0304 10 98 annað síldarkjöt, nýtt 0304 20 75 flök, fryst 0304 90 25 annað síldarkjöt, fryst, frá 16. júní til 14. febrúar úr 0305 20 00 lifur og hrogn, þurrkað, reykt, saltað eða í saltlegi 0305 42 00 reykt, þar með talin flök 0305 59 30 þurrkuð, einnig söltuð en ekki reykt 0305 61 00 söltuð eða í saltlegi, en ekki þurrkuð eða reykt 1604 12 10 flök, hrá, aðeins þakin deigi eða brauðmylsnu, einnig forsteikt í olíu, djúpfryst 1604 12 90 síld, löguð eða varin skemmdum, heil eða í hlutum en ekki hökkuð úr 1604 20 90 önnur síld, löguð eða varin skemmdum c) Makríll (Scomber scrombrus, Scomber australasicus, Scomber japonicus) 0302 64 90 nýr eða kældur, frá 16. júní til 14. febrúar 0303 74 19 frystur, frá 16. júní til 14. febrúar (Scomber scrombrus, Scomber japonicus) 0303 74 90 frystur, frá 16. júní til 14. febrúar (Scomber australasicus) úr 0304 10 39 flök, ný 0304 20 51 flök, fryst (Scomber australasicus) úr 0304 20 53 flök, fryst (Scomber scrombrus, Scomber japonicus) úr 0304 90 97 annað makrílkjöt, fryst 0305 49 30 reyktur, þar með talin flök 1604 15 10 heill eða í hlutum, lagaður eða varinn skemmdum (Scomber scrombrus, Scomber japonicus) 1604 15 90 heill eða í hlutum, lagaður eða varinn skemmdum (Scomber australasicus) úr 1604 20 90 annar makríll, lagaður eða varinn skemmdum d) Rækja 0306 13 10 fryst, af Pandalidæ-ætt 0306 13 30 fryst af Crangon-ættkvísl 0306 13 90 önnur rækja, fryst 0306 23 10 ekki fryst, af Pandalidæ-ætt 0306 23 31 ný, kæld eða gufusoðin eða soðin í vatni af Crangon-ættkvísl 0306 23 39 önnur rækja af Crangon-ættkvísl 0306 23 90 önnur rækja, ekki fryst 1605 20 00 lagað og varið skemmdum e) „Coquilles St. Jacques“ (Pecten maximus) úr 0307 21 00 lifandi, nýr eða kældur 0307 29 10 frystur úr 1605 90 10 lagaður eða varinn skemmdum f) Leturhumar (Nephrops norvegicus) 0306 19 30 frystur 0306 29 30 ekki frystur úr 1605 40 00 lagaður eða varinn skemmdum 3. VIÐBÆTIR Samningar milli bandalagsins og einstakra EFTA-ríkja sem um getur í 7. grein: Samningur milli Efnahagsbandalags Evrópu og Konungsríkisins Svíþjóðar, undirritaður 22. júlí 1972, og eftirfarandi bréfaskipti varðandi landbúnað og sjávarútveg, undirrituð 14. júlí 1986. [...]³⁾ Samningur milli Efnahagsbandalags Evrópu og Konungsríkisins Noregs, undirritaður 14. maí 1973, og eftirfarandi bréfaskipti varðandi landbúnað og sjávarútveg, undirrituð 14. júlí 1986. Ákvæði 1. gr. bókunar nr. 6 við samninginn milli Efnahagsbandalags Evrópu og Lýðveldisins Íslands sem undirritaður var 22. júlí 1972. ³⁾ Bókun um breytingu á EES-samningnum, 17. mars 1993.